(注:韞,讀wen3,禁閉,關禁。韞響屋企,宅在家里。)
寧可條頸瞓到歪,唔好隨便亂出街。
寧可瞓醒飲滾水,唔好起身上茶居。
寧可猛咁做家務,唔好去跳廣場舞。
寧可陽臺淋花草,唔好出街去散步。
寧可客廳凼凼轉,唔好市場亂咁狷。
寧可腳仔坐到冤,唔好走去逛公園。
寧可成日玩手機,唔好叫人去唱k。
寧可梳化??腳,唔好嘍人打麻雀。
寧可無聊吹口哨,唔好埋堆車大炮。
寧可挨下老婆鬧,唔好周街撲口罩。
寧可隔空唱只歌,唔好拖手去拍拖。
(比如:寧可發夢見阿芳,唔好約佢曬月光。
寧可被竇想阿寶,唔好搵佢去掹草。)
寧可微信傾下偈,千祁唔好去相睇!
(相睇齊齊戴口罩,對方個樣狗定貓?)
【結尾】
寧可日日韞屋企,唔好累人又累己。
為咗早日掃瘟疫,咁嘅貢獻做得起!
(注:坐到冤,坐得酸痛;梳化,沙發;車大炮,閑聊、吹牛;曬月光、掹草,都指談戀愛;相睇,相親。)